வியாபார நிறுவன உரிமையாளர்களுக்கான விழிப்புணர்வு நிகழ்வு

வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சின் அம்பாறை மாவட்ட செயலக நூகர்வோர் அலுவல்கள் அதிகார சபையின் ஏற்பாட்டில், சம்மாந்துறை பிரதேச சபை எல்லைக்குட்பட்ட வியாபார நிறுவன உரிமையாளர்களுக்கான விழிப்புணர்வு நிகழ்வு சம்மாந்துறை பிரதேச சபையின் கௌரவ தவிசாளர் ஐ.எல்.எம். மாஹிர் அவர்களின் தலைமையில், பிரதேச சபையின் பிரதான கேட்போர் கூடத்தில் இடம்பெற்றது.

இச்செயலமர்வில் நூகர்வோர் அலுவல்கள் அதிகார சபையின் புலனாய்வு அதிகாரி முஹம்மட் ஸாஜீத் ஸமான் பிரதான வளவாளராக கலந்து கொண்டு, புலனாய்வு அதிகாரிகள் எம்.எம்.எம். பஸ்மீர், எ.பி.எம். இர்பான் ஆகியோரும் உரையாற்றினர்.
நூகர்வோர் உரிமைகள் மற்றும் பொறுப்புகள், சட்டச் சட்டவிதிகள், பாதுகாப்பு நடைமுறைகள், சேவைகள் வழங்கும் தரம், மற்றும் அரசாங்க கட்டுப்பாட்டு விலை தொடர்பான வழிகாட்டல்கள் உள்ளிட்ட முக்கியமான அம்சங்கள், விளக்கக்காட்சி மற்றும் உரைமூலம் வியாபாரிகளுக்கு தெளிவுபடுத்தப்பட்டது.
இதில் சம்மாந்துறை பிரதேச சபையின் பதில் செயலாளர் யூ.எல். அப்துல் மஜீட், உத்தியோகத்தர்கள், வர்த்தகர்கள் உள்ளிட்ட பலரும் இந்நிகழ்வில் கலந்து கொண்டனர்.