வீதிகளில் விழுந்த மரங்களை அகற்றும் பணிகள்

இன்று மாலை வீசிய கடும் காற்றுடன் கூடிய மழையால், சம்மாந்துறை பிரதேசத்தில் பல மரங்கள் முறிந்து வீதிகளில் விழுந்து, போக்குவரத்து கடுமையாக பாதிக்கப்பட்டது.

வீதிகளில் விழுந்த மரங்களை அகற்றும் பணிகள், சம்மாந்துறை பிரதேச சபையின் கௌரவ தவிசாளர் ஐ.எல்.எம்.மாஹிர் அவர்களின் பணிப்புரையின்படி விரைவாக முன்னெடுக்கப்பட்டன.
இந்த நடவடிக்கைகள், சம்மாந்துறை பிரதேச சபையின் செயலாளர் யூ.எல். அப்துல் மஜீட் அவர்களின் நேரடி கண்காணிப்பில், தொழில்நுட்ப உத்தியோகத்தர்கள், உத்தியோகத்தர்கள் மற்றும் ஊழியர்களின் ஒத்துழைப்புடன் மேற்கொள்ளப்பட்டு, வீதிகளில் விழுந்த மரங்கள் வெட்டி அகற்றப்பட்டு போக்குவரத்து சீரமைக்கப்பட்டது.