"வளமான நாடும் - அழகான வாழ்க்கையும்"
உள்ளூராட்சி வாரம் - 2025
இறுதிநாள் சான்றிதழ் மற்றும் பரிசளிப்பு நிகழ்வு
"வளமான நாடும் - அழகான வாழ்க்கையும்" எனும் தொனிப்பொருளின் கீழ் முன்னெடுக்கப்பட்ட உள்ளூராட்சி வாரத்தின் இறுதிநாள் சான்றிதழ் மற்றும் பரிசளிப்பு நிகழ்வு சம்மாந்துறை பிரதேச சபையின் ஏற்பாட்டில் சம்மாந்துறை அப்துல் மஜீட் மண்டபத்தில் நேற்று ஞாயிற்றுக்கிழமை சிறப்பாக நடைபெற்றது.
சம்மாந்துறை பிரதேச சபையின் கெளரவ தவிசாளர் ஐ.எல்.எம்.மாஹிர் அவர்களின் தலைமையில் நடைபெற்ற இந்நிகழ்வுக்கு அம்பாறை மாவட்ட கரையோர பிரதேச செயலகங்களின் அபிவிருத்தி ஒருங்கினைப்புக் குழுத் தலைவரும், பாராளுமன்ற உறுப்பினருமான ஏ.ஆதம்பாவா அவர்கள் பிரதம அதிதியாக கலந்து கொண்டு சிறப்பித்தார்.
இந்நிகழ்வில் சம்மாந்துறை பிரதேச செயலாளர் எஸ்.எல்.முஹம்மது ஹனீபா, சம்மாந்துறை சுகாதார வைத்திய அதிகாரி டாக்டர் நெளசாத் முஸ்தபா, சம்மாந்துறை பொலிஸ் நிலைய பொறுப்பதிகாரி டபிள்யூ,ஏ.என்.பிரத்தீப் குமார, சம்மாந்துறை மாவட்ட ஆயர்வேத வைத்தியசாலையின் வைத்திய அத்தியட்சகர் டாக்டர் எம்.எம்.றிஸ்கா, சம்மாந்துறை பிரதேச சபையின் செயலாளர் எம்.ஏ.கே. முஹம்மட், சம்மாந்துறை பிரதேச சபையின் கெளரவ உறுப்பினர்கள், பிரதேச சபையின் உத்தியோகத்தர்கள், ஊழியர்கள், உள்ளிட்ட பலர் கலந்து கொண்டனர்.
இதன்போது உள்ளூராட்சி வாரத்தை முன்னிட்டு பிரதேச சபையினால் நடாத்திய நிகழ்வுகளில் கலந்து கொண்டு தங்களது திறமைகளை வெளிப்படுத்திய மற்றும் வெற்றிபெற்றவர்களுக்கு பதக்கங்களும், சான்றிதழ்களும் வழங்கி கெளரவிக்கப்பட்டனர்.


































































0 Comments